अदुवाको मूल्य नपाउँदा कैलालीका किसान मारमा

Facebooktwittergoogle_plusredditpinterestlinkedinmailby feather

दिशानिर्देश समाचार÷कैलाली, १७ चैत्र
कैलालीको पहाडी क्षेत्रमा उत्पादन हुदैँ आएको अदुवाले उचित मूल्य पाउन नसकेपछि स्थानीय किसान मारमा छन् । मूल्य नपाएपछि उत्पादन भएको अदुवा सस्तो मूल्यमा बिक्री गर्न बाध्य भएको स्थानीय कृषक करन जेठाराले बताए । एक वर्षअघिसम्म प्रतिकिलो काँचो अदुवा रु ६० देखि रु ७५ को दरले बिक्री गर्न पाएका कृषक यसवर्ष बढीमा प्रतिकिलो रु २२ मा बिक्री गरिरहेका छन् ।
जिल्लामा उत्पादित अदुवा यसवर्ष भारत निर्यात हुननसकेका कारण मूल्य नपाएको अर्का किसान शेरबहादुर मन्नीले बताए । सुन्तला उत्पादनको पकेटक्षेत्रका रुपमा रहेको साविकको निगाली गाविसमा स्थानीय कृषकले सुन्तलाखेती
गरिएको जग्गामा अदुवाखेती गर्ने गरेका
छन् ।
सुन्तलाको बोटमुनिको जग्गामा अदुवाखेती गर्न सकिने भएपछि दुवै बालीको खेती गरेर किसानले आम्दानी गर्दैआएका छन् । अदुवाले बजार नपाउँदा समस्या भएको जेठाराले बताए । कैलालीसँग जोडिएको डोटीको दक्षिणी भेगका लाना, मान्नाकापडी, सिमचौर, घाँगल लगायत क्षेत्रका कृषकको मुख्य आम्दानीको स्रोत अदुवाखेती हो । जिल्ला कृषि विकास कार्यालयका वरिष्ठ कृषि विकास अधिकृत यज्ञराज जोशीले नेपालमा उत्पादन हुने अदुवाको बजार्र
भारत मात्र भएको अवस्थामा त्यहाँ ठूलो परिमाणमा अदुवा उत्पादन हुँदा नेपाली अदुवाको माग घटेका कारण समस्या भएको बताए । कैलालीको सहजुपुरमा स्थापना
गरिएको अदुवा प्रशोधन केन्द्रले ठूलो
परिमाणमा अदुवा खरिद गर्न नसक्दा किसानले उत्पादन गरेको अदुवा बिक्री हुनसकेको छैन ।
जिल्लाको साविक सहजपुर, निगाली र खैराला गाविसका साथै यी गाविससँग सीमा जोडिएको डोटीको बर्छेन, घाँगल, निरौलीलगायत गाविसमा वर्षेनी उत्पादन हुने अदुवामध्ये करीव ८० प्रतिशत परिमाणको काँचो अदुवा भारत निकासी हुने गरेकोमा यसवर्ष निर्यात् हुन सकेको छैन । कैलाली र डोटीमा यसवर्ष झण्डै १२ हजार मेट्रिक टनभन्दा बढी अदुवा उत्पादन भएको थियो ।

Please follow and like us:
0
Facebooktwittergoogle_plusredditpinterestlinkedinmailby feather

Leave a Reply

Your email address will not be published. Required fields are marked *