बैतडीमा १०३ कर्मचारीले स्वेच्छिक अवकाश लिदै

Facebooktwittergoogle_plusredditpinterestlinkedinmailby feather

दिशानिर्देश समाचार
बैतडी, २६ फागुन
स्वेच्छिक अवकाशका लागि बैतडीमा १०३ जना कर्मचारीले निवेदन दिएका छन् । जिल्ला प्रशासन कार्यालय बैतडीका नायव सुब्बा गीता भण्डारीका अनुसार सबैभन्दा बढी हुलाकका २८ जना कर्मचारी रहेका छन् ।
यस्तै जिल्ला स्वास्थ्य कार्यालयका १७, कृषिका ८,बन कार्यालयका ७, पशु सेवा कार्यालयका ६ लगायत गरी १०३ कर्मचारीले स्वेच्छिक अवकाशका लागि जिल्ला प्रसासन कार्यालयमा निवेदन दिएका हुन् । स्वेच्छिक अवकाशका लागि निवेदन दिने धेरैजसो कर्मचारी श्रेणीविहीनका रहेका नायव सुब्बा भण्डारीले बताइन् । सरकारले निजामती सेवाका कर्मचारीलाई स्वेच्छिक अवकाश लिने बाटो खुला गरेपछि सो आवेदन परेको हो । स्वेच्छिक अवकाशमा सहभागी हुने
कर्मचारीले सात वर्षको निवृत्तभरण एकमुष्ठ रुपमा पाउनेछन् । त्यसपछि पनि प्रचलित काननुन अनुसार उनीहरुले निवृत्तभरण पाउनेछन् । सात वर्षको एकमुष्ठ निवृत्तभरण रकम पाएपछि सो सात वर्षको अवधिमा बहालवाला सरकारी कर्मचारीको तलब वृद्धि हुँदा समान पदबाट निवृत्त कर्मचारीहरुले प्राप्त गर्ने थप निवृत्तभरण रकम पनि पाउनेछन् । २० बर्ष सेवा अवधी पुरा गरेकोे तथा उमेरले ५० बर्ष नाघेका कर्मचारीका लागी सरकारले स्वेच्छिक अवकाश लिने विकल्प दिएको हो । अवकाश लिने कर्मचारीलाई सात वर्षको पेन्सन रकम अग्रिम उपलब्ध गराइदिने सरकारको योजना भएकाले लाभग्राही उत्साहित भएका हुन् ।

Please follow and like us:
0
Facebooktwittergoogle_plusredditpinterestlinkedinmailby feather

Leave a Reply

Your email address will not be published. Required fields are marked *