युवा समूहलाई १० लाख निव्र्याजी ऋण

Facebooktwittergoogle_plusredditpinterestlinkedinmailby feather

बैतडी, ३० भाद्र । जिल्ला युवा समितिले ग्रामीण युवा उद्यम कार्यक्रम अन्तर्गत दुईवटा युवा समूहलाई रु १० लाख बिना धितो निर्व्याजी ऋण सहयोग गर्ने भएको छ ।

समितिले जिल्लाका दुईवटा निर्वाचन क्षेत्रका एक–एकवटा समूहलाई रु पाँच÷पाँच लाखका दरले बिना धितो ऋण सहयोग गर्न लागेको हो ।

जिल्ला युवा समितिका अध्यक्ष सन्तोष प्रकाश जोशीका अनुसार ऋण सहयोग प्राप्त गर्ने युवा उद्यम समूहमा क्षेत्र नं एकबाट लालीगुराँस बाख्रापालन समूह कोटपेटरा र क्षेत्र नं दुईबाट आशाकिरण व्यावसायिक बाख्रापालान समूह दशरथचन्द नगरपालिका रहेका छन् ।

युवा तथा खेलकुद मन्त्रालय राष्ट्रिय युवा परिषद्ले उद्यम कार्यक्रम सञ्चालनका लागि दश युवा ‘एक वडा एक उद्यम कार्यक्रम’अनुसार केही महिना अगाडि सार्वजनिकरुपमा प्रस्ताव आह्वान गरेको थियो । सो आह्वान अन्तर्गत धेरै प्रस्ताव समितिमा परेका भएपनि परिषद्ले ती दुवै सामूहिक संस्थालाई छनोट गरेको हो ।

छनोट भएका समूहलाई एक हप्ता भित्रै रकम प्रदान गरिनेछ । छनोट भएका संस्थाले नेपाल बचत तथा ऋण सहकारी सङ्घ (नेप्सकुन) मा आबद्ध सहकारी संस्था मार्फत किस्तामा ऋण सहयोग प्राप्त गर्नेछन् ।

प्रस्तावनामा उल्लेख भएअनुसार काम सम्पन्न गरेपछि निश्चित अवधिपछि सो ऋण बापतको रकम सहकारी मार्फत फिर्ता गर्नुपर्ने छ । ऋण सहयोग मागेका समूहले आफूले लगेको सो रकम पाँच वर्ष भित्र फिर्ता गरिसक्नुपर्ने र फिर्ता भएको रकम घुम्ती युवा कोषमा जम्मा हुने जिल्ला युवा समितिले जनाएको छ ।
रासस

Please follow and like us:
0
Facebooktwittergoogle_plusredditpinterestlinkedinmailby feather

Leave a Reply

Your email address will not be published. Required fields are marked *